অসমৰ বিষয়ে কিছু তথ্য

অসমৰ বিষয়ে কিছু তথ্য

ৰাজধানী :-দিছপুৰ
মুঠ মাটি কালি :-78,438 বৰ্গ কিমি.
মুঠ জনসংখ্যা :- (2011চনৰ পিয়ল মতে):-  3,11,69,272.
বিধান সভা আসন :-126
লোকসভা আসন :-14
ৰাজ্য সভা আসন:-7
মুঠ জিলা :- 33
মুঠ গাওঁ:- 26,247
মুঠ গাওঁ পঞ্চায়ত :- 2489. ( বৰ্তমান )
মুঠ মহকুমা :- 78.
জিলা পৰিষদ:- 21.
আঞ্চলিক পঞ্চায়ত:- 185.
গাওঁ পঞ্চায়ত:- 2202.(2011 সমীক্ষা )
ষষ্ঠ অনুসুচি জিলা:- 6.
ব্লক বা মন্ডল :- 219.
মুঠ কৃষি ভূমি:- 39,88,600 .হেক্টৰ.
মুঠ বনাঞ্চল :- 235798.
সাক্ষৰতাৰ হাৰ:-( 2011) 73.18%
প্ৰতি এক হাজাৰজন পুৰুষৰ বিপৰীতে 954 মহিলা
প্ৰধান নদী:- ব্ৰহ্মপুত্ৰ আৰু বৰাক
মুখ্য ভাষা :- অসমীয়া
পৃথিৱীৰ বৃহত্তম নদীদ্বীপ:- মাজুলী

চাৰিসীমা :- পূৱে নাগালেন্ড,মনিপুৰ,ম্যানমাৰ
পশ্চিম :-পশ্চিমবংগ,
উত্তৰ :-ভূটান আৰু অৰুণাচল
দক্ষিণে :-মিজোৰাম , এিপুৰা,বাংলাদেশ আৰু মেঘালয় ।

গ্ৰামাঞ্চলৰ BPL সংখ্যা :-59.43%
সবাতোকৈ বেছি BPL :-75.25 গোৱালপাৰা আৰু ধুবুৰী 75.03%
সবাতোকৈ কম BPL পৰিয়াল :- যোৰহাট 41.00%

(সংগৃহীত)

শিক্ষক দিৱসৰ তাৎপৰ্য

শিক্ষক দিৱসৰ তাৎপৰ্য

মহান শিক্ষক ডঃ সৰ্বপল্লী ৰাধাকৃষ্ণনৰ জন্মদিন ৫ চেপ্টেম্বৰ দিনটো ভাৰতবৰ্ষত শিক্ষক দিৱস হিচাপে পালন কৰা হয় ৷ ৰাধাকৃষ্ণন ১৯৬২ চনত ভাৰতবৰ্ষৰ ৰাষ্ট্ৰপতি আছিল ৷ কিন্তু তেওঁ জীৱনত শিক্ষকৰ বৃত্তিটোকহে অগ্ৰাধিকাৰ দিছিল আৰু সেয়ে তেওঁৰ জন্মদিনটোক তেওঁৰ প্ৰতি শ্ৰদ্ধা জনাই “শিক্ষক দিৱস” হিচাপে পালন কৰা হয় ৷

শিক্ষকসকল হৈছে সমাজ এখনৰ মেৰুদণ্ডস্বৰূপ ৷ শিশু এজনৰ জন্মৰ ৬ বছৰৰ পৰা ২৫ বছৰ বয়সলৈকে জীৱনৰ অতি মূল্যবান সময় এই শিক্ষকসকলৰ লগতে পাৰ কৰে৷ গতিকে সমাজ এখনৰ বাবে প্ৰকৃত মানৱ সম্পদ সৃষ্টিৰো মূল দায়িত্ব শিক্ষকসকলৰ৷
কেৱল পুথিগত শিক্ষা প্ৰদানেই শিক্ষক এজনৰ মূল উদ্দেশ্য নহয়৷ ডঃ ৰাধাকৃষ্ণণে বিশ্বাস কৰিছিল যে যদি উচিত পদ্ধতিৰে শিক্ষা দিয়া হয় তেন্তে সমাজৰ পৰা অনেক অপশক্তিক বিনাশ কৰিব পাৰি৷ সেয়ে তেওঁৰ বক্তব্যত যি শিক্ষা প্ৰদানৰ কথা কৈছিল সেই শিক্ষাৰ অন্তৰালত কেৱল পুথিগত শিক্ষা নাছিল | তেওঁ ছাত্ৰ-ছাত্ৰীৰ মানৱীয় উত্কৰ্ষ সাধনৰ লগতে ছাত্ৰ-ছাত্ৰীক নৈতিকভাৱে সুস্থ-সৱল কৰি গঢ়ি তোলাৰ শিক্ষা প্ৰদান কৰাৰ কথাহে কৈছিল৷ শিক্ষা, শিক্ষক আৰু শিক্ষাদান মানে কেৱল পাঠ্যপুথি আৰু বিদ্যালয়েই নহয়৷ বিদ্যালয়ৰ পুথিগত শিক্ষাই সম্ভৱ এজন ছাত্ৰক প্ৰথম শ্ৰেণীৰ ডিগ্ৰী প্ৰদান কৰিব পাৰে কিন্তু মানৱীয় উত্কৰ্ষতাৰ শিক্ষা প্ৰদান কৰিব নোৱাৰিবও পাৰে৷ গতিকে আজিৰ এই পৱিত্ৰ শিক্ষক দিৱসৰ দিনা ডঃ সৰ্বপল্লী ৰাধাকৃষ্ণণে শিক্ষাৰ বিষয়ে কোৱা প্ৰতিটো কথাকে ছাত্ৰ-শিক্ষক নিৰ্বিশেষে অনুভৱ কৰা উচিত৷
ব্যক্তিগত জীৱনত এজন ছাত্ৰই প্ৰাথমিক বিদ্যালয়ৰ পৰা বিশ্ববিদ্যালয় পৰ্যায়লৈকে অনেক শিক্ষকৰ পৰা শিক্ষা লাভ কৰে৷ কিন্তু সকলো শিক্ষকেই ছাত্ৰজনৰ মনত সাঁচ বহুৱাব নোৱাৰিবও পাৰে বা ভাল-বেয়া দুয়োধৰণেৰেই সাঁচ বহুৱাব পাৰে৷ তথাপি ভাৰতীয় সংস্কৃতিত সর্বদা শিক্ষকসকল গুৰু হিচাপেই পূজা কৰি অহা হৈছে৷
কিন্তু আমি ব্যক্তিগতভাৱে অনুভৱ কৰোঁ পুথিগত শিক্ষাৰ বাহিৰেই এজন ব্যক্তিৰ বাবে সমাজ এখনত অনেক শিক্ষক থাকিব পাৰে৷ জীৱনৰ প্ৰতিপল সৎ, সাহসী হৈ আগবাঢ়ি যাবলৈ নৈতিকতাৰ শিক্ষা প্ৰদান কৰি অহা ব্যক্তিজন নিশ্চয় বিদ্যালয়-বিশ্ববিদ্যালয়ৰ শিক্ষকতকৈ কোনো গুণে কম হ’ব নোৱাৰে৷ সেয়ে এই পৱিত্ৰ দিনটোত সেইসকল ব্যক্তিকো স্মৰণ কৰা উচিত, যিসকল ব্যক্তিৰ চিন্তা আৰু কৰ্মই নিজৰ জীৱনত প্ৰভাৱ পেলাবলৈ সক্ষম হৈছে৷
শিক্ষক দিৱসৰ মূল তাৎপৰ্য তেতিয়াহে সাৰ্থক হ’ব যেতিয়া প্ৰতিজন শিক্ষকেও নিজকে ব্যক্তিগত আৰু সামাজিক স্বাৰ্থ, ভেদাভেদ আৰু প্ৰতিবন্ধকতাৰ উৰ্দ্ধত থাকি সমাজ এখন সঠিক দিশত আগবঢ়াই নিয়াৰ বাবে ছাত্ৰ-ছাত্ৰীক যোগ্য কৰি তুলিব৷ পাঠ্যপুথিৰ শিক্ষাৰ লগতে প্ৰতিজন ছাত্ৰ-ছাত্ৰীকে মানুহ হোৱাৰ শিক্ষা প্ৰদান কৰি নিজেও শিক্ষক হোৱাৰ গৌৰৱ অনুভৱ কৰিব৷ কাৰণ ডঃ সৰ্বপল্লী ৰাধাকৃষ্ণণে কৈছিল “শিক্ষক কেৱল সেইসকলেই নহয় যি ছাত্ৰ-ছাত্ৰীৰ মস্তিষ্কত তথ্যৰ এটা ভাণ্ডৰ সৃষ্টি কৰে, বাস্তৱিকতে শিক্ষক সেইসকলহে যি তেওঁক আহিব লগা সময়ৰ বাবে প্ৰস্তুত কৰে৷”

শিক্ষক দিৱসৰ এই পৱিত্ৰ দিনত পুথিগত শিক্ষাৰ লগতে মোক মানুহ হিচাপে নৈতিকতাৰে জীয়াই থকাৰ সাহস প্ৰদান কৰা প্ৰতিজন গুৰুলৈকে শ্ৰদ্ধা যাঁচিছো …..

কণমানি দেনিকাৰ সাফল্য

কণমানি দেনিকাৰ সাফল্য

‘দি কাৰাটে’ৰ উদ্যোগত যোৱা ২৭ আগষ্টত তেজপুৰ কেন্দ্রিয় বিশ্ববিদ্যালয়ত অনুষ্ঠিত হৈ যোৱা ৯ম সদৌ শোণিতপুৰ জিলা কাৰাটে চেম্পিয়নশ্বিপত অংশগ্ৰহন কৰি তেজপুৰৰ দেনিকা গোস্বামীয়ে প্ৰতিযোগিতাৰ কাটা আৰু কুমিটেৰ ৬ বছৰৰ অনুৰ্ধ শাখাত যোগদান কৰি ক্রমে সোণৰ আৰু ৰূপৰ পদক জিনিবলৈ সক্ষম হয়। । উল্লেখনীয় যে যোৱা ১৩ আৰু ১৮ মে’ত গুৱাহাটিৰ ভোগেশ্বৰী ফুকননী ইনড’ৰ ষ্টেডিয়ামত অনুষ্ঠিত হোৱা চতুৰ্থ ‘টেনচিনকান ৱাৰ অৱ দি চেম্পিয়নচ’ শীৰ্ষক অসম কাৰাটে ড’ সন্থাৰ ৰাজি্যক ৰেংকিং প্রতিযোগিতাতো দেনিকা গোস্বামীয়ে প্ৰতিযোগিতাৰ কাটা আৰু কুমিটেৰ ৬ বছৰৰ অনুৰ্ধ শাখাত যোগদান কৰি ক্রমে সোণৰ আৰু ৰূপৰ পদক জিনিবলৈ সক্ষম হৈছিল। দেনিকা বৰ্তমান কাৰাটে প্রশিক্ষক চেনচেই প্রশান্ত পি. শইকীয়াৰ অধীনত প্রশিক্ষণৰত।

কেন্সাৰ প্ৰতিৰোধী আৰু প্ৰতিকাৰী ঔষধ আৱিষ্কাৰ…..

কেন্সাৰ প্ৰতিৰোধী আৰু প্ৰতিকাৰী ঔষধ আৱিষ্কাৰ…..

 

প্রাণীৰ শৰীৰত অসংখ্য ক্ষুদ্ৰ ক্ষুদ্ৰ কোষ থাকে। এই কোষবোৰ একোটা নির্দিষ্ট সময়ৰ পিছত মৃত্যু মুখত পৰে আৰু ইয়াৰ ঠাইত কোষ বিভাজন প্ৰক্ৰিয়াৰে নতুন কোষ নিয়ন্ত্রিত আৰু নিয়মিত ভাবে সৃষ্টি হৈ থাকে। যেতিয়া আমাৰ দেহৰ এই কোষবোৰ কোনো অজ্ঞাত কাৰণত অনিয়ন্ত্রিত ৰূপত কোষ বিভাজনৰ দ্বাৰা বাঢ়ি আহিব ধৰে তেতিয়াই ছালৰ তলত অতিৰিক্ত কোষবোৰে লদা বান্ধে। এনে কোষীয় লদাবোৰকেই টিউমাৰ বোলা হয়। এই টিউমাৰবোৰ বিনাইন বা ম্যালিগন্যান্ট জাতীয় হ’ব পাৰে। ম্যালিগন্যান্ট টিউমাৰকেই আমি কেন্সাৰ বুুলি কওঁ। অনিয়ন্ত্রিত ৰূপত বিভাজনক্ষম হৈ কোষবোৰে আমাৰ দেহত সৃষ্টি কৰা এনে কলাকে নিওপ্লাচিয়া (টিউমাৰ) বোলা হয়। এই নিওপ্লাস্টিক কোষবোৰে আশেপাশে থকা কলাসমূহক ভেদ কৰিব নোৱাৰিলে তেনে টিউমাৰক আমি নিৰীহ বা বিনাইন টিউমাৰ বুলি কওঁ। বিনাইন টিউমাৰে কেন্সাৰ সৃষ্টি নকৰে। আনহাতে নিওপ্লাচিয়া সমূহ কলা ভেদক ক্ষমতা সম্পন্ন হলে তেনে টিউমাৰক ম্যালিগন্যান্ট টিউমাৰ বা কেন্সাৰ বোলা হয়।

cancerবেছিভাগ কেন্সাৰেই প্রথমে বিনাইন টিউমাৰ হিচাবে আৰম্ভ হয়। পৰৱৰ্তী সময়ত বিভিন্ন অজ্ঞাত কাৰণত তাৰ মাজৰেই কিছুমান কোষ পৰিবর্তিত হৈ ম্যালিগন্যান্ট অর্থাৎ কলাতন্ত্ৰ ভেদক ক্ষমতাযুক্ত হৈ যায় আৰু দেহত কেন্সাৰ সৃষ্টি কৰে। কেন্সাৰ ৰোগৰ ফলপ্ৰসু চিকিৎসা ব্যৱস্থা নোহোৱা হেতুকে বহু ৰোগীয়ে অকালতে প্ৰাণ হেৰুৱাব লগা হৈছে। অৱশ্যে ৰোগৰ আৰম্ভণিতেই যদি কেন্সাৰ ধৰা পেলাব পৰা যায়, তেন্তে কেন্সাৰ ৰোগৰ প্ৰতিকাৰ সম্ভৱ। শেহতীয়াকৈ বিজ্ঞানীসকলে আমালৈ কঢ়িয়াই আনিছে আশাৰ বতৰা। ফ্ৰান্সৰ আন্তৰাষ্ট্ৰীয় ফাৰ্মাচিউটিকেল কোম্পানী Servier আৰু UKৰ কোম্পানী Vernalisৰ বিজ্ঞানীসকলৰ যুটীয়াভাবে চলোৱা গৱেষণাত আৱিষ্কৃত হৈছে এবিধ বিশেষ ৰসায়নিক পদাৰ্থ Servier compound — S63845 যাৰ সহায়ত মৃত্যুদুতৰূপী কেন্সাৰ প্ৰতিৰোধ কৰাৰ লগতে কেন্সাৰৰ প্ৰতিকাৰো সম্ভৱ হৈ পৰিব। S63845 নামৰ ৰসায়নিক পদাৰ্থটোৱে আমাৰ দেহত MCL1 নামৰ এবিধ প্ৰটিনৰ সংশ্লেষণ প্ৰক্ৰিয়াত বাধক হিচাবে কাম কৰে। উল্লেখযোগ্য যে MCL1 নামৰ প্ৰটিনে আমাৰ দেহত কেন্সাৰ সৃষ্টিকাৰী কোষৰ জন্ম দিয়ে বুলি ইতিমধ্যে প্ৰমাণিত হৈছে। সেয়েহে S63845 নামৰ ৰসায়নিক পদাৰ্থবিধ কেন্সাৰ ৰোগীৰ দেহত প্ৰয়োগ কৰিলে এই পদাৰ্থটোৱে দেহৰ সাধাৰণ কোষৰ কোনো হানি নকৰাকৈ যিহেতু MCL1 প্ৰটিনৰ সংশ্লেষণ বন্ধ কৰি দিয়ে, সেয়ে ৰোগীজনৰ দেহত নতুনকৈ কোনো কেন্সাৰ কোষ সৃষ্টি হ’ব নোৱাৰে। তদুপৰি MCL1ৰ অভাৱত ইতিমধ্যে দেহত সৃষ্টি হোৱা কেন্সাৰ কোষবোৰো যিহেতু মৃত্যু মুখত পতিত হয়, কেন্সাৰ ৰোগীসকল সহজেই ৰোগৰ পৰা মুক্ত হৈ পৰে।

প্ৰণ‌ৱজ্যোতি দাস, টংলা

জ্ঞানবৰ্ধক শেহতীয়া খবৰ ( ১৪ চেপ্তেম্বৰ ,২০১৬)

জ্ঞানবৰ্ধক শেহতীয়া খবৰ ( ১৪ চেপ্তেম্বৰ ,২০১৬)

উৰ্দুৰ সলনি হিন্দী ভাষাক চৰকাৰী ভাষা হিচাপে স্বীকৃতি দি বিহাৰে ভাৰতৰ প্ৰথমখন এনে ৰাজ্য হো‌ৱাৰ গৌৰ‌ৱ অধিকাৰ কৰে। ভাৰতৰ এটা চৰকাৰী ভাষা হিচাপে হিন্দী ভাষাটোক স্বীকৃতি দিয়া হৈছিল ১৯৪৯ চনৰ ১৪ ছেপ্তেম্বৰ দিনটোত আৰু সেয়ে এই দিনটোক ‘হিন্দী দি‌ৱস’ হিচাপে সমগ্ৰ ৰাষ্ট্ৰখনতে পালন কৰা হয় ।


পিপল পা‌ৱাৰ নামৰ এটা “ইন্টাৰনেট অ‌ৱ থিংকছ”ৰ ওপৰত কাম কৰা কোম্পানীয়ে পুৰণা স্মাৰ্টফোন ব্য‌ৱহাৰ কৰি ঘৰত সুৰক্ষা কেমেৰা বহু‌ৱাৰ বন্দো‌ৱস্ত কৰিব পাৰিছে । এনে “প্ৰেজেন্স ৩৬০” নামৰ ৰবটিক কেমেৰাটো‌ৱে সংগ্ৰহ কৰা ঘৰৰ ভিতৰৰ  ৩৬০ ডিগ্ৰীৰ দৃশ্য‌াৱলী গৃহস্থই কোনো এঠাইত বহি ইন্টাৰনেটৰ সহায়েৰে চাই থাকিব পাৰিব ।

অধিক চাবলৈ ইয়াত ক্লিক কৰক – (টোকা : ভিডিঅ’টো চাওঁতে বহুত নেট পেক/ ডাটা খৰছ হ’ব, গতিকে সা‌ৱধান!)


ভাৰতীয় ৰেল‌ৱেই সকলো যাত্ৰীয়ে ল’ব পৰাকৈ জী‌ৱন-বীমা সে‌ৱাৰ সূচনা কৰিছে । এই সে‌ৱা অ‌ৱশ্যে বাধ্যতামূলক নহয় । মাত্ৰ ৯২ পইচাতে ল’ব পৰা এই বীমা যোঁজনাই ১০ লাখ টকালৈকে ক্ষতিপূৰণ দিব পাৰিব । ৰেল মন্ত্ৰী সুৰেশ প্ৰভু‌ৱে জনো‌ৱা মতে এই সে‌ৱা ইতিমধ্যে ৪০ লাখ যাত্ৰীয়ে গ্ৰহণ কৰিছে ।


“‌ৱান থউজেণ্ড হকী লেগছ্” নামৰ বেচৰকাৰী সংস্থাটোক ৰাষ্ট্ৰপতি প্ৰণ‌ৱ মুখাৰ্জীয়ে “ৰাষ্ট্ৰীয় খেল প্ৰৎসাহন পুৰষ্কাৰ” প্ৰদান কৰিছে । এওঁলোকে ৯০ খন স্কুলত ল’ৰা-ছো‌ৱালীক ইতিমধ্যে হকী শিকাই আছে আৰু বিনামূলীয়া খেলৰ সামগ্ৰী বিতৰণ কৰিছে  । এই এনজিঅ’টো‌ৱে বৰ্তমানে ভাৰতৰ ৫ খন মহানগৰত কাম কৰি আছে আৰু অদূৰ ভ‌ৱিষ্যতে সমগ্ৰ ভাৰততে কাম কৰাৰ মন মেলিছে । ( ইংৰাজীত স‌ৱিশেষ পঢ়ক এই লিংকত )


যিসকল ল’ৰা-ছো‌ৱালীয়ে পঢ়া-শুনাত মন নবহায়, সেইসকলত এটা যন্ত্ৰৰ সহায়েৰে নিজে নিজে চিনাক্ত কৰিবলৈ এজন চীনা প্ৰফেচৰে এটা মুখ চিনাক্তকৰণ চফ্ট‌ৱেৰ সাজি উলিয়াইছে । (স‌ৱিশেষ ইয়াত পাব )


NASA (The National Aeronautics and Space Administration ) ৰ এটি দলে পাইছে যে যো‌ৱা ১৩৬ বছৰৰ ভিতৰত যো‌ৱা ২০১৬ চনৰ জুলাই মাহটো‌ৱেই আছিল পৃথি‌ৱীৰ আটাইতকৈ গৰম মাহ । (স‌ৱিশেষ ইয়াত পাব ।)


গুগুলে “টিম ইন্ডাছ” নামৰ এটি নতুনকৈ গঠন হো‌ৱা ভাৰতীয় মহাকাশ moon_moinamel-comঅধ্যয়নকাৰী কোম্পানীক বাচি উলিয়াইছে যিটো‌ৱে চন্দ্ৰৰ বুকুলৈ এটি ৰবট পঠিয়াব । এওঁলোকৰ যান খনে ২০১৭ চনৰ শেহৰভা‌ৱে চন্দ্ৰলৈ গমন কৰিব । যদি সফল হয়, তেন্তে ৩০ মিলিয়ন ডলাৰ খৰছ কৰিব লগীয়া এইটো প্ৰকল্পই হ’ব পৃথি‌ৱীৰপৰা সৰ্বপ্ৰথমবাৰৰ বাবে সম্পূৰ্ণ বেচৰকাৰী ভা‌ৱে যো‌ৱা মহাকাশযান । (স‌ৱিশেষ পাব ইয়াত )

পেৰাঅলিম্পিকত ভাৰতৰ সাফল্য

ৰিঅ’ত অনুষ্ঠিত হৈ থকা পেৰাঅলিম্পিক(শাৰিৰীকভা‌ৱে বিকলাংগসকল) খেলত জেভেলিন দলিও‌ৱা খেলত ভাৰতৰ দে‌ৱেন্দ্ৰ জাজৰিয়াই দুটাকৈ সোণৰ মেডেল লাভ কৰি অভিলেখ স্থাপন কৰিছে । তেখেতে ২০০৪ বৰ্ষত অনুষ্ঠিত হো‌ৱা এথেন্স পেৰাঅলিম্পিক গেমছত সৃষ্টি কৰা নিজৰেই অভিলেখ এইবেলি ৰিঅ’ত নিজেই ভংগ কৰি নতুন অভিলেখ স্থাপন কৰিছে ।