কোনে ক’ত চুব পাৰিব মোক ?- জানিবলগীয়া কিছু কথা

কোনে ক’ত চুব পাৰিব মোক ?- জানিবলগীয়া কিছু কথা

এইয়া মোৰ ওঁঠ।
ওঁঠেৰে মই কথা ক’ওঁ, চুমা খাওঁ।
মই মোৰ মাক চুমা খাওঁ, দেউতাক চুমা খাওঁ।
কিন্তু যেতিয়া মোৰ কোনো শিক্ষক/ শিক্ষয়িত্ৰী , মামা/খুৰা বা মামী/খুৰীয়ে বা অইন কোনোবাই মোক চুমা বিচাৰে, মই তেওঁলোকক উৰন্ত চুমা (Flying Kiss) দিম। মই তেওঁলোকৰ ওঁঠ বা আন ক’তো চুমা নাখাওঁ। মই মোৰ ওঁঠক সাৱধানে ৰাখোঁ।

এইয়া মোৰ বুকু।
যেতিয়া মই স্নান কৰোঁ মই মোৰ বুকুখন পৰিষ্কাৰ কৰোঁ।
কিন্তু যেতিয়া মোৰ কোনো শিক্ষক/ শিক্ষয়িত্ৰী , মামা/খুৰা বা মামী/খুৰীয়ে বা অইন কোনোবাই  মোক বুকুত স্পৰ্শ কৰে তেতিয়া মই মানা কৰিম আৰু মই মোৰ মাক এই বিষয়ে কৈ দিম।

এইয়া মোৰ নিতম্ব।
নিতম্বৰ সহায়ত মই বহোঁ।
মই নিতম্ব ঢাকি ৰাখিবলৈ অন্তৰ্বাস পিন্ধো।
কিন্তু যেতিয়া মোৰ কোনো শিক্ষক/ শিক্ষয়িত্ৰী , মামা/খুৰা বা মামী/খুৰীয়ে বা অইন কোনোবাই মোৰ নিতম্ব স্পৰ্শ কৰে বা ভাকুটকুটাই দিয়ে তেতিয়া মই মানা কৰিম আৰু মই মোৰ মাক এই বিষয়ে কৈ দিম।

এইয়া মোৰ দুই ভৰিৰ মাজৰ অংশ।
ইয়াক মই পৰিষ্কাৰ কৈ ৰাখোঁ।
মই ইয়াক ধাকি ৰাখিবলৈ অন্তৰ্বাস পিন্ধো।
কিন্তু যেতিয়া মোৰ কোনো শিক্ষক/ শিক্ষয়িত্ৰী , মামা/খুৰা বা মামী/খুৰীয়ে বা অইন কোনোবাই মোৰ দুই ভৰিৰ মাজৰ অংশ স্পৰ্শ কৰে
তেতিয়া মই মানা কৰিম আৰু মই মোৰ মাক এই বিষয়ে কৈ দিম।

মোৰ ওঁঠ, মোৰ বুকু, মোৰ নিতম্ব, মোৰ দুই ভৰিৰ মাজৰ অংশ এইবোৰ মোৰ হয়।
কেৱল মই বা মোৰ মায়েহে ইয়াক স্পৰ্শ কৰিব পাৰে।
কোনো শিক্ষক/ শিক্ষয়িত্ৰী , মামা/খুৰা বা মামী/খুৰীয়ে বা অইন কোনোবাই  মোৰ এই অংগবোৰ স্পৰ্শ বা ভাকুটকুটাই দিব নোৱাৰে।
মইও কাৰো ওঁঠ, বুকু , নিতম্ব বা দুই ভৰিৰ মাজৰ অংশত স্পৰ্শ বা সুৰসুৰাই দিব নোৱাৰোঁ।
এইবোৰ শৰীৰৰ প্ৰয়োজনীয় অংগ যাক লৈ ধেমালি কৰা উচিত নহয়।
কোনোবাই আমনি কৰিলে মই মোৰ মাক কৈ দিম।
মই ভয় নাখাওঁ কাৰণ মোৰ মায়ে মোৰ যত্ন লয়।
মই ভয় নকৰোঁ কাৰণ মোৰ মায়ে মোক ভাল পায়।


মূল লেখক : স্বাতী পাপত ভাট

অসমীয়া অনুবাদ : ৰক্তিম জ্যোতি কাকতি

এই বিষয়ে আনকো জনাওক..
Share on Facebook
Facebook
0Share on Google+
Google+
0Tweet about this on Twitter
Twitter
Share on LinkedIn
Linkedin
Email this to someone
email
Print this page
Print

এটা মন্তব্য দিয়ক

আপোনাৰ ই-মেইল আইডিটো প্ৰকাশ কৰা নহয়। * চিহ্ণ থকাকেইটা আৱশ্যকীয় তথ্য ।