সাঁথৰ -১

১) এক ভাই আছে ডালত , এক ভাই আছে স্থলত , দুই ভাই আআকাশ মণ্ডলত ,চাৰিও ভাই লগ লাগে মৰণ কালত ?
২) শদিয়ালৈ নাযাবা, শত ফুল নাখাবা, এই খন চহৰত সুধি আহাঁগৈ , উপজিয়ে লৰ মাৰে কোন ?
৩) ওচৰা ওচৰিকৈ থাকে, দুয়ো যঁজা ভাই – একেলগে ফুৰে ,জগতখন চায়, ইজনে -সিজনক দেকা নাপায়, এইজননো কোন, কো‌ৱাচোন ভাই ?
৪) লোহাৰত জনম , লোহাৰকে খায় — দহ দেশৰ লগত যুঁজিবলৈ যায় ?
৫) পাত আছে ডাল নাই , কথা আছে মাত নাই ?
৬) গছ কাটিবলৈ গ’লো , হাতত কুঠাৰ লৈ , গছ আছে মৰি, ফল আছে ধৰি ?

book-005

উত্তৰসমূহ:–

১) তামোল-পাণ , চূণ, ধঁপাত
২) জেঠী
৩) চকুযোৰ
৪) বন্দুক
৫) কিতাপ
৬) কোমোৰা

(সংগৃহীত)

15 thoughts on “সাঁথৰ -১

      1. আপোনাক অশেষ ধন্যবাদ ! অনুগ্ৰহ কৰি এপটোৰ বিষয়ে আনকো জনাব চোন। লগতে আপোনাৰ ওচৰত ল’ৰা-ছো‌ৱালীৰ কামত অহা কোনো লেখা যদি আছে, তেন্তে ইয়াত প্ৰকাশৰ বাবে দিব পাৰে ….নতুন লেখা যোগ কৰা হ’ব । চাই থাকিব চোন ..

    1. আপোনাক অশেষ ধন্যবাদ ! আশাকৰোঁ আপুনিও আমাৰ এই যাত্ৰাৰ সহযাত্ৰী হ’ব। আপোনাৰ ওচৰত শিশু-উপযোগী যিকোনো ধৰণৰ লেখা থাকিলে আমালৈ পঠিয়াব পাৰে ।

    2. আপোনাক অশেষ ধন্যবাদ ! আশাকৰোঁ আপুনিও আমাৰ এই যাত্ৰাৰ সহযাত্ৰী হ’ব। আপোনাৰ ওচৰত শিশু-উপযোগী যিকোনো ধৰণৰ লেখা থাকিলে আমালৈ পঠিয়াব পাৰে ।

  1. ১ /পৃথিৱীৰ আন এটা নাম?
    ২/ হিন্দু মানুহৰ উপাধি ?
    3/ একৰ পৰা পাঁচলৈ যিকোনো এটা সংখ্যা ?
    ৪/ মুছলিম মানুহৰ এটা উপাধি ?

    এই চাৰিটা প্ৰশ্ন উত্তৰঃ হব এটাই আৰু উত্তৰটোৱে হব অসমৰ এখন ঠাই নাম । উত্তৰটো কি হব কোনোবাই জানে যদি কবচোন

  2. অনুগ্ৰহ কৰি উত্তৰ বোৰ দিব , যাতে আমি ইয়াতে প্ৰকাশ কৰিব পাৰো। তাৰোপৰি পাঠক সকলক নতুন নতুন সাঁথৰ আমালৈ পঠিয়াবৰ বাবে অনুৰোধ জনালো ।

প্ৰত্যুত্তৰ দিয়ক

আপোনৰ ইমেইল ঠিকনা প্ৰকাশ কৰা নহ'ব । প্ৰয়োজনীয় ক্ষেত্ৰসমূহত *এৰে চিন দিয়া হৈছে